De autumno

 

Sol  ex sidere Virginis iam in sidus Libræ intrat.  Æstas recedit: succedit æstati autumnus. Habet autumnus tempora cincta racemis et pedes sordidos calcatis uvis. Nam, ut segetes sunt æstatis summus honor, ita autumni parecipuus honor sunt uvæ et vinum. Uvæ maturæ ex onustis palmitibus pendent: incipit vindemia. Inter lætos clamores vindemiatorum, agricolæ uvam in cellam vinariam portant. Sub nudo pede calcatoris fluunt nova vina, munera iucunda Bacchi.

 

 

De priscis virorum moribus

 

Antiquis temporibus homines neque societates neque cœtus habebant. In silvis et saltibus soli vivebant; sæpe in specubus domicilia habebant. Glandes ex quercubus collectæ et fructus ceterarum arborum virorum cibus erant. Nam homines venatum ignorabant, nec feras captabant laqueis vel arcubus, nec occidebant veribus vel sagittis. Pugnabant cum feris artubus corporum; vincebant complexibus et manuum ictibus. Status vitæ hominis fere ferinus erat. Quam longe distabant homines a cultu atque humanitate posteriorum temporum!

 

 

"Postquam Isaacus adolevit, Deus tentans fidem Abrahami dixit illi:

Abrahame, tolle filium tuum unicum quem amas, et immola eum mihi in monte quem ostendam tibi.

Abrahamus non dubitavit parere Deo; imposuit ligna Isaaco: ipse vero portabat ignem et gladium. Cum iter facerent simul, Isaacus dixit patri:

Pater mi, ecce ligna et ignis, sed ubinam est hostia immolanda?

Cui Abrahamus:

Deus, inquit, sibi providebit hostiam, fili mi.

Ubi pervenerunt ambo in locum designatum, Abrahamus exstruxit aram, disposuit ligna, alligavit Isaacum super struem lignorum, deinde arripuit gladium. Tum angelus clamavit de coelo:

Abrahame, contine manum tuam; ne noceas puero; iam fides mihi perspecta est, cum non peperceris filio unico tuo, ego favebo tibi: remunerabo splendide fidem tuam.

Abrahamus respexit, et vidit arietem hærentem cornibus inter vepres, quem immolavit loco filii."

 

Passe as orações abaixo da voz ativa para a voz passiva:

a)    Abrahamus vero portabat ignem et gladium.

b)    Deus providebit hostiam.

c)    Abrahamus exstruxit aram et disposuit ligna.

d)    Abrahamus alligavit Isaacum super struem lignorum.

e)    Abrahamus vidit arietem hærentem cornibus inter vepres.